Noong dekada 70 pinasikat ni Freddie Aguilar ang kantang
“Anak” sa buong mundo. Naisalin ito sa iba’t ibang lengwahe. Hindi kayang
lumain ang klasikong awiting ito dahil sa lawak at lalim na hatid ng mensahe.
Sa simula ng awitin labis ang nadaramang kaligayan para sa mga magulang ang
pagdating ng kanilang supling. Inilarawan dito kung papaano pumupuno sa puso
nila ang kaligayahang dulot ng pagiging isang magulang sa kanilang anak.
Dumating ang panahon ng kanyang paglaki… nasadlak ang anak sa masamang bisyo. Sa
puso ng mga magulang ito ang pinakamabigat nilang nararamdaman ang makitang
napapariwara ang kanilang anak. Sa huling bahagi ng awitin napagtanto ng anak
ang kanyang mga pagkakamali. Nagsisi siya sa kanyang mga pagkukulang at mga nagawang kasalanan.
Isang mapait nga lang na katotohanan na kung kaylan gusto mo
nang magbago para sa mga taong
nagmamahal sa’yo huli na ang lahat. Nakaka-guilty ng konsensya. Kaya naman marami
talaga ang nakaka-relate sa awiting ito hanggang sa ngayon dahil ito ang
realidad ng buhay ng marami sa ating mga kabataan. Lalo na’t mas marami ang
nasisira ang buhay ng mga kabataan ngayon dahil sa droga.
Kahit hindi pa gaanong talamak ang droga noong panahong sumisikat
ang kantang ito. Sadyang nakakabahala na talaga ang ipinagbabawal na gamot. Noong
nasa elementarya pa lamang ako nagkaroon ng film showing sa mga kumunidad namin
ang pamahalaan tungkol sa masamang epektong dulot nito.
Dapat maisama sa programa ng gobyerno ang dissemination of information
campaign na akmang-akma sana, dahil ang bawa’t tao ngayon ay may hawak ng
gadget dahilan na mas madaling maihatid ang kampanya laban sa droga sa
pamamagitan ng internet.
Noong panahong gumawa ng sampung utos ang Dios para sa mga
Israelita tumalima sa kautusan ng Dios ang mga nais ng pagpapala. Samantala,
yaon namang mga suwail, sumpa at kamatayan naman ang parusa sa kanila. Totoong likas
na matigas ang ulo ng mga tao. Walang pinagbago ang ugaling ito hanggang sa
panahon natin ngayon. Rebellious spirit ang bumubuo sa sangkap ng isang karnal
na tao.
Isang simpleng utos lang ang ipinagawa ng Dios kay Joshua para sa mga tao upang di nila makalimutan ang kanyang mga kautusan. Josue 1:8 Ang aklat na ito ng kautusan ay huwag mahihiwalay sa iyong bibig, kundi iyong pagbubulayan araw at gabi, upang iyong masunod na gawin ang ayon sa lahat na nakasulat dito: sapagka't kung magkagayo'y iyong pagiginhawahin ang iyong lakad, at kung magkagayo'y magtatamo ka ng mabuting kawakasan.
Kung araw at gabi nga naman na sa tuwing magbubukas tayo ng ating
mga cellphone o gadget agad may paalala tungkol sa masamang bisyong ito ng
droga. Hanggang sa kanilang pagtanda mananatili na ito sa kanilang isipan. Kumbaga
naka imbed na sa isipan ng lahat ng tao ang mensahe tungkol sa ipinagbabawal na
gamut.
Kawikaan 22:6 “Turuan mo ang bata sa daan na dapat
niyang lakaran, at pagka tumanda man siya ay hindi niya hihiwalayan.” Tama
ang sinasabi dito ng Bibliya. Napakahalaga ang gabay at pagtututro ng mga magulang
sa kanilang mga anak. Hindi sapat na basta na lamang iaasa sa ibang tao o sa
gobyerno at iba pang institusyon ang pagtuturo sa kanila lalo na sa kabutihang
asal. Minsan hindi natin ito magawa dahil tayo mismo na mga magulang ay pasaway
din.
Colossas 3:20 Mga anak, magsitalima kayo sa inyong
magulang sa lahat ng mga bagay, sapagka't ito'y totoong nakalulugod sa
Panginoon.
Kaya bilang mga magulang umayos din tayo sa harap ng ating mga
anak. At kung magpatuloy pa rin sila sa pagtahak sa likong landas ng kanilang
buhay. Sa tingin ko hindi na nila tayo masisisi kung sapitin man nila ang sumpa
at kamatayan.
Kawikaan 19:20 Makinig ka ng payo, at tumanggap ka ng
turo, upang ikaw ay maging pantas sa iyong huling wakas. Amen!
Akda ni: Jovit D. Tilo
No comments:
Post a Comment