Sinabi ng lingkod ng Diyos, “Saan iyon bumagsak?” Nang ituro sa kanya
ang lugar, pumutol sya ng isang patpat, at inihagis doon, at pinalutang ang
bakal. 2 Hari 6:6.
May sinimulang bagong proyekto sina
Eliseo at ang mga anak ng mga propeta. Nais nila ng mas malaking lugar para sa
lumalaking bilang ng mga mag-aaral. Kaya’t nagpasya silang maghanap ng mga puno
upang putulin ang mga kakahuyan malapit sa ilong Jordan. Inanyayahan ng isa sa
mag-aaral ang lingkod ng Diyos na sumama sa kanila at sinabi ng guro “Sasama
ako.” Ang pinakamabuting paraan ng paggawa sa gawain ng Diyosay ang makasama
ang Panginoon sa tabi natin.
“Ngunit samantalang ang isa’y pumuputol
ng troso, ang talim ng palakol ay nalaglag sa tubig at sya’y sumigaw, ‘Naku,
Panginoon ko! Iyon ay hiram lamang’” (talata 5 ng 2 Hari).
May ilang kapansin-pansing detalye sa kasaysayan na ito na maaari nating maiugnay sa ating espirituwal na pamumuhay. Una, ang talim ng palakol ay nalaglag sa tubig habang siya’y gumagawa. Hindi tamad o walang ginagawa ang lalaki. Siya’y gumagawa ng mabuti ngunit naging pabaya sa palakol. Maaaring mawala ang kapangyarihan ng Diyos sa kasiglahan ng paglilingkod sa Kanya. Pangalawa, noong maiwala niya ang talim ng palakol, naiwala rin niya ang kapangyarihan upang maglingkod. Ikatlo, naiwala niya ang isang bagay na hindi kanya. Hiniram lang ang palakol. Ang kapangyarihang nagdadala ng tagumpay sa ministeryo ay nagmumula sa kalangitan.
Mabuti ng lang na si Propeta
Eliseo ay naroon. Agad na nalutas ang suliranin at sa mahiwagang pamamaraan! “Sinabi
ng lingkod ng Diyos, ‘Saan iyon bumagsak?’ Nang ituro sa kanya ang lugar,
pumutol siya ng isang patpat, at inihagis doon, at pinalutang ang bakal.”
Ang Diyos ang tanging solusyon sa
ating suliranin,kahit gaano ito kahirap maraming beses tayo’y nawawalan ng
lakas dahil sa napakalaking gawain ang ating kinakaharap. Masyado tayong umaasa
sa ating talim ng palakol. Ngunit minsan ay ipinapahintulot ng Diyos na mawala
ang sarili nating mga talim ng palakol upang mahanap natin ito muli sa
pamamagitan Niya, sa pamamaraang mahimala.
Tulad Din Natin (Debosyonal Araw-araw) ni Carlos Elias Mora.
